రోడ్డుప్రమాదంలో ఓ కానిస్టేబుల్ మరణించారు. నర్సంపేట పోలీస్ స్టేషన్ కానిస్టేబుల్ బర్ల మహేశ్ గత రాత్రి చెన్నరావు పేట నుండి నర్సంపేటకు వస్తున్న క్రమంలో ద్విచక్రవాహనం అదుపు తప్పి పడిపోయింది. తలకు బలమైన గాయం కావడంతో కానిస్టేబుల్ మహేశ్ సంఘటన స్థలంలో మృతి చెందాడు. మరణించిన కానిస్టేబుల్ మహేశ్ 2013 బ్యాచ్ కు చెందిన వాడు కాగా ఇతని స్వస్థలం సంగేం మండలం రామచంద్రపురం, ఇతనికి భార్య, ఇద్దరు కుమార్తెలు వున్నారు.
